340               TESTAMENTS ENREGISTRÉS AU PARLEMENT DE PARIS            (580)
menche messe du jour, le mardi et le jeudi messe du saint Esperit, le lundi, le mercredi et le venredi messe des Mors, et le samedi messe de i'Annonciacion Nostre Seigneur, lesqueles messes seront dictes en la dicte chapelle pour le salut et remede des ames de mon tres redoubté seigneur, de moy et de mon tres chier et tres amé filz, et avecques ce ung anniversaire solennel chascun an le xme jour de juing, se feste double n'y escheoit, qui feust translaté au lendemain, auquel xnfjour dessus dit mon tres redoubté seigneur, monseigneur des Bordes, ala de vie à trespassement, et que ce soit enregistré ou marteloyge de la dicte eglise ou Prieuré pour souvenance.
Item, je veuil et ordonne sept annuelz estre diz tantost après mon trespas, dont les quatre soient diz es quatre eglises Mendiantes à Pa­ris, les deux en la dicte eglise de Saint Didier, c'est assavoir, l'un pour le salut et remede de l'ame de mon tres redoubté seigneur, monsei­gneur mon pere, dont Dieu ait l'ame, lequel y gist et repose, et l'autre pour l'ame de moy, et l'autre annuel en l'eglise de Nostre Dame de Sery en Vymeu, pour le salut el remede de l'ame de ma tres redoub­tée dame, madame ma mere, laqueïe y gist et repose. Pour chascun d'iceulx sept annuelz, je ordonne et laisse estre paié trente escuz, et au jour de mon obseque je vueil que une chascune des dictes quatre ordres Mendians aient, avecques ce que dessus est dit, cent solz Pari­sis pour unes vigiles de Mors et une messe solennelle qu'ilz seront tenus de dire pour !e salut et remede de l'ame de moy en leurs eglises.
Item, je vueil et ordonne estre dictes tantost après mon trespasse­ment es eglises cy après nommées en chascune d'icelles eglises trente messes de Requiem pour le salut et remede de l'ame de moy, c'est assa­voir, Nostre Dame de Chartres, Nostre Dame de Longpont, Nostre Dame de Mont Lehery, Nostre Dame de Bruieres et Nostre Dame de Houdreville, et pour ce faire je laisse à chascune d'icelles eglises six escuz.
Item, je laisse à l'Ostel Dieu de Paris, tant à l'office du maistre comme à l'office de la prieuse, par moitié vint frans, avec la chambre et le lit entier ouquel je trespasseray.